Date: 25/January/2018
ក្រសួងសុខាភិបាលនៃព្រះរាជាណាចក្រកម្ពុជា សូមជំរាបជូនសាធារណជនទាំងអស់ជ្រាបអំពីករណីពុល ដោយសារបរិភោគត្រីក្រពត នៅខេត្តកោះកុង ដែលសរុបករណីពុលចំនួន១០នាក់ (ក្នុងនោះស្លាប់១នាក់ ហើយអ្នកដែលបានពុលចំនួន៩នាក់ទៀត បានដាក់ឲ្យសំរាកនៅមន្ទីរពេទ្យខេត្តកោះកុង (ចំនួន៣នាក់) និងមន្ទីរពេទ្យបង្អែក ស្រែអំបិល (ចំនួន៦ នាក់)។
ករណីស្លាប់១នាក់ខាងលើនេះ គឺជាបុរសអ្នកនេសាទ មានសភាពពុលធ្ងន់ធ្ងរជាងគេ មានអាយុ ៣៦ឆ្នាំ រស់នៅភូមិកោះស្ដេច ឃុំកោះស្ដេច ស្រុកគិរីសាគរ ខេត្តកោះកុង ដែលបានបាត់បង់ជីវិតនៅថ្ងៃទី២២ ខែមករា ឆ្នាំ២០១៨ បន្ទាប់ពីចាប់បានត្រីក្រពតទំងន់៦គីឡូក្រាម រួចយកមកបរិភោគជាមួយអ្នកនេសាទ៩នាក់ទៀតនោះ។ ដោយមានការយកចិត្តទុកដាក់ជួយសង្គ្រោះពីសំណាក់គ្រូពេទ្យ បច្ចុប្បន្នអ្នកជំងឺទាំង៩នាក់នេះ មានសភាពធូរស្រាលច្រើនហើយ។
ទាញយកសេចក្តីប្រកាសទាំងស្រុង៖ Download