Date: 09/August/2018

នាយកដ្ឋាMERS TV Spotនប្រយុទ្ធនឹងជំងឺឆ្លង សូមណែនាំសារអប់រំសុខភាព ដល់បងប្អូនដែលធ្វើ ដំណើរទៅ និងត្រលប់ពីឧបទ្វីបមជ្ឈឹមបូព៌ា ដើម្បីចូលរួមពិធីសាសនា នូវសារអប់រំសុខភាព ទាក់ទងនឹងជំងឺ រលាកផ្លូវដង្ហើមមជ្ឈឹមបូព៌ា (រហូតដល់ខែកក្កដាឆ្នាំ២០១៨ ទូទាំងពិភពលោក មានឆ្លងជំងឺនេះចំនួន ២២២៩ ក្នុងនោះ ៧៩១ បានស្លាប់ ស្មើនឹងអត្រាស្លាប់ ៣០% ភាគច្រើនកើតនៅឧបទ្វីបមជ្ឈឹមបូព៌ា) ដូចខាងក្រោម ៖

សារសម្រាប់អ្នកដំណើរ ចេញទៅឧបទ្វីបមជ្ឈឹមបូព៌ា (Middle East Respiratory Syndrome (MERS))

- អ្នកធ្វើដំណើរទៅ ឧបទ្វីបមជ្ឈឹមបូព៌ា និងមានរោគសញ្ញា គ្រុនក្តៅ ក្អក ពិបាកដកដង្ហើមនិងរាគ អ្នកត្រូវស្វែងរកមន្ទីរពេទ្យ ព្យាបាលជាបន្ទាន់
- បើសិនជាអ្នក ទើបត្រឡប់មកពីឧបទ្វីបមជ្ឈឹមបូព៌ា និងមានរោគសញ្ញា គ្រុនក្តៅ ក្អក ពិបាកដកដង្ហើម និងរាគ ក្នុងកំឡូងពេល ១៤ ថ្ងៃ ក្រោយត្រឡប់មកពីតំបន់ មជ្ឈឹមបូព៌ា អ្ននកត្រូវតែទៅមន្ទីរពេទ្យ ជាបន្ទាន់ ព្រមទាំងប្រាប់គ្រូពេទ្យថា អ្នកទើបត្រឡប់មកពីតំបន់មជ្ឈឹមបូព៌ា។
- បើសិនជាអ្នកមានរោគសញ្ញា រលាកផ្លូវដង្ហើមស្រួចស្រាវ អ្នកត្រូវអនុវត្តទម្លាប់ខ្ទប់មាត់ ឬច្រមុះជាមួយក្រណាត់ ឬសំលៀកបំពាក់ នៅពេលអ្នកក្អក ឬកណ្តាស និងលាងដៃឲ្យបានញឹកញាប់។
- បើសិនជាអ្នកមានរោគសញ្ញា រលាកផ្លូវដង្ហើមយូរ អ្នកគួរតែពន្យាពេលក្នុងការធ្វើដំណើរ ។
- នៅពេលធ្វើដំណើរ អ្នកអាចកាត់បន្ថយហានិភ័យ នៃការចម្លងដោយ៖
- ចៀសវាងការប៉ះពាល់ផ្ទាល់ ជាមួយអ្នកមានជំងឺ រលាកផ្លូវដង្ហើមស្រួចស្រាវ
- ចៀសវាងការហូបសាច់មិនឆ្អិនល្អ បន្លែឆៅផ្លែឈើមិនបានចិតសំបក និងទឹកមិនមានសុវត្ថិភាព ។
- លាងដៃឲ្យបានញឹកញាប់ជាមួយសាប៊ូ និងទឹក ជាពិសេសក្រោយការប៉ះពាល់អ្នកឈឺ និងនៅជុំវិញបរិស្ថានអ្នកឈឺ
- ចៀសវាងការទៅលេង កសិដ្ឋានចិញ្ចឹមសត្វស្រុក និងសត្វព្រៃ ជាពិសេស សត្វអូដ៏ (ឈឺ ឬ ស្លាប់) ។
ចំណាំៈ ប្រទេសក្នុងឧបទ្វីបមជ្ឈឹមបូព៌ា កំពុងរាតត្បាតជំងឺផ្លូវដង្ហីមមជ្ឈឹមបូព៌ា រួមមានៈ អារ៉ាប់អេមីរ៉ាត់ ហ្ស័កដានី គូវែត អូម៉ង់ កាតា អារ៉ាប៊ីសាអូឌីត យ៉េម៉ែន ។
សំរាប់ពត៌មានបន្ថែម សូមទាក់ទងទូរស័ព្ទលេខៈ 115

 

Date: 02/August/2018

Road Accident vdoគ្រោះថ្នាក់ចរាចរណ៍ នៅតែជាបញ្ហាសុខភាពសាធារណៈ ដ៏ធ្ងន់ធ្ងរ ដែលមានចំនួនអ្នកស្លាប់ នាំមុខច្រើនជាងការស្លាប់ ដោយជំងឺឆ្លងទៅទៀត ។ គ្រោះថ្នាក់ចរាចរណ៍ អាចកាត់បន្ថយបានព្រោះវាបង្កឡើង ដោយមនុស្សយើងផ្ទាល់ វាខុសពីជំងឺឆ្លង ដែលបង្កឡើងដោយធម្មជាតិ ដោយមេរោគឆ្លងចូលក្នុងខ្លួនយើង បណ្តាលឲ្យយើងមានជំងឺ ។ ការកាត់បន្ថយការស្លាប់ ដោយគ្រោះថ្នាក់ចរាចរណ៌តាមរយៈ
១. ចេះច្បាប់ចរាចរណ៍ និងគោរពអនុវត្តន៏ច្បាប់ចរាចរណ៍
២. គោរពភ្លើងសញ្ញាចរាចរណ៍
៣. កុំបើកល្បឿនលឿន ហួសពីការកំនត់ពីច្បាប់ចរាចរណ៍
៤. មានការយោគយល់គ្នា និងអត់ធ្មត់បំផុតក្នុងការបើកបរ
សូមមេត្តាគោរពច្បាប់ចរាចរណ៍ ដើម្បីជីវិតខ្លួនយើង និងជីវិតអ្នកដទៃ ។
សូមអរគុណទុកជាមុន ។

 

Date: 22/July/2018

ទោះជាមានទឹកជំនន់ក្តី មន្រ្តីសុខាភិបាល នៅតែបន្តផ្តល់សេវាជាប្រចាំ ដល់ការពិនិត្យផ្ទៃពោះ ការចាក់វ៉ាក់សាំងកុមារ នៅមណ្ឌលសុខភាព និងនៅទីទទួលសុវត្ថិភាព ។ នាយកដ្ឋានប្រយុទ្ធនឹងជំងឺឆ្លង សូមផ្ញើជូននូវសារអប់រំ ទាក់ទងនឹងការទៅពិនិត្យផ្ទៃពោះ និងចាក់ថ្នាំបង្ការកុមារ ដូចខាងក្រោមនេះ ។ ពត៌មានបន្ថែម ឬរាយការជំងឺរាតត្បាត ឬកើតឡើងច្រើនខុសធម្មតា សូមទាក់ទងទូរស័ព្ទ ទាន់ហេតុការលេខ ១១៥ ដោយមិនគិតថ្លៃពីគ្រប់ប្រព័ន្ធ ។

Flood health serv.sm

Date: 22/July/2018

ពេលមានទឹកជំនន់ បងប្អូនអាចប្រឈម នឹងគ្រោះថ្នាក់ពស់ចឹក ។ នាយកដ្ឋានប្រយុទ្ធនឹងជំងឺឆ្លង សូមផ្ញើជូននូវសារអប់រំ ទាក់ទងនឹងការបង្ការ​ ពស់ចឹក និងការព្យាបាលបន្សាបពោះចឹក នៅខាងក្រោមនេះ ។

ពត៌មានបន្ថែម ឬរាយការជំងឺរាតត្បាត ឬកើតឡើងច្រើនខុសធម្មតា សូមទាក់ទងទូរស័ព្ទ ទាន់ហេតុការលេខ ១១៥ ដោយមិនគិតថ្លៃពីគ្រប់ប្រព័ន្ធ ។

Flood snake.prev.sm

Date: 21/July/2018

ប្រជាពលរដ្ឋដែលរងគ្រោះ ដោយសារជំនន់ទឹកភ្លៀង ត្រូវបានក្រសួងសុខាភិបាល សហការជាមួយមន្ទីរសុខាភិបាលខេត្ត រាជធានី ចុះពិនិត្យព្យាបាលជំងឺ និងផ្តល់វ៉ាក់សាំង ការពារជំងឺផ្សេងៗ ដល់ពួកគាត់ ដើម្បីការពារ​ជំ​ងឺរាតត្បាត និងសត្វអសិរពិស ចឹក ឬខាំ។
មន្រ្តីសុខាភិបាល បានរៀបចំឲ្យមានកន្លែង ដើម្បីពិនិត្យ ព្យាបាល ជូនប្រជាជន ជាមួយសម្ភារៈបរិក្ខាពេទ្យ ដ៏ទំនើបៗដាក់ក្នុងរថយន្តពេទ្យ ទំហំធំ ដែលជាជំនួយរបស់ប្រទេសចិន ក្រោមវត្តមានឯកឧត្តម ម៉ម ប៊ុនហេង រដ្ឋមន្ត្រី ក្រសួងសុខាភិបាល រួមសហការជាមួយ មន្ទីរសុខាភិបាល អាជ្ញាធរ និងមន្ត្រីពាក់ព័ន្ធជាច្រើនទៀត។

ឯកឧត្តម ម៉ម ប៊ុនហេង រដ្ឋមន្ត្រី ក្រសួងសុខាភិបាល បានថ្លែងថា កម្មវិធីចុះព្យាបាល ពិគ្រោះជំងឺជួនប្រ​ជាពលរដ្ឋ លោកយាយ-លោកតា ព្រមទាំងផ្តល់ឱសថបរិក្ខាពេទ្យ ការពារពស់ចឹក ព្រមទាំងវិធានការ​ផ្សេងៗ ដែលទាក់ទងនឹងអនាម័យ ដោយមានក្រុមគ្រួពេទ្យជំនាញ ចុះមកផ្ទាល់ជាមួយ បងប្អូនប្រជាពលរដ្ឋ ​ដែលបានជម្លៀសចេញពីទឹកជំនន់ មកកាន់ទីទួលមានសុវត្ថិភាពនេះ។ លោករដ្ឋមន្ត្រី ក្រសួងសុខាភិ​បាលបានបន្តទៀតថា យើងមានរថយន្ត ពិនិត្យសុខភាពចល័ត ដែលបំពាក់ដោយសម្ភារៈបរិក្ខាទំនើបៗ សម្រាប់ពិនិត្យជំងឺទូទៅ ស្រ្តីមានផ្ទៃពោះ និងកុមារ មន្ទីរពិសោធន៍ ថតសួត បេះដូង….។ល។
ឯកឧត្តម ម៉ម ប៊ុនហេង រដ្ឋមន្ត្រីក្រសួងសុខាភិបាល បានបន្តទៀតថា សូមឲ្យប្រជាពលរដ្ឋ ត្រូវប្រុងប្រយ័ត្ន​ ការប្រើប្រាស់ទឹកប៉ាចហាច ដោយដាក់ក្លក្នុងទឹកសម្លាប់មេរោគ រួចយក​ទៅដាំឲ្យពុះជាមុនសិន ចាំយកមកបរិភោគ។ ក្នុងនោះក្រុមគ្រូពេទ្យពេទ្យ បានចាក់ថ្នាំបង្ការជួនកុមារ ជាពិ​សេសស្រ្តីមានផ្ទៃពោះ អាចមកពិនិត្យផ្ទៃពោះ ដោយមិនគិតលុយនោះទេ។

អ្នកនាំពាក្យក្រសួងសុខាភិបាល
ពត៌មានបន្ថែមសូមទាក់ទងលេខទូរស័ព្ទ ១១៥

Minister visit Jul18.1s  Minister visit Jul18.2s  Minister visit Jul18.3s  Minister visit Jul18.4s  Minister visit Jul18.5s  Minister visit Jul18.6s