Date: 05 December 2022
គម្រោងទប់ស្កាត់និងបង្ការជំងឺឆ្លងក្នុងមហាអនុតំបន់មេគង្គ ហិរញ្ញប្បទានបន្ថែមបានរៀបចំសិក្ខាសាលាស្តីពីការពិនិត្យឡើងវិញការអនុវត្តន៍ នៅថ្ងៃទី ៣០ វិច្ឆិកា-១ ធ្នូ ឆ្នាំ២០២២ នាឯខេត្តកំពត ក្រោមអធិបតីភាព ឯកឧត្តម ឡូ វាសនាគីរី រដ្ឋលេខាធិការ និងជាប្រធានសម្របសម្រួលគម្រោង។ សិក្ខាសាលានេះមានការចូលរួមពីភ្នាក់ងារអនុវត្តគម្រោងថ្នាក់ជាតិ និងរាជធានីខេត្តទាំង២៥ ដោយមានគោលបំណងៈ
១. ពិនិត្យឡើងវិញនូវវឌ្ឍនភាពនៃការអនុវត្តគម្រោងគម្រោងទប់ស្កាត់និងបង្ការជម្ងឺឆ្លងក្នុងមហាអនុតំបន់មេគង្គពីឆ្នាំ ២០១៧-២០២២
២. ពិនិត្យសូចនាករ គោលដៅចំនុចបន្ថែមសម្រាប់គម្រោងទប់ស្កាត់និងបង្ការជម្ងឺឆ្លងក្នុងមហាអនុតំបន់មេគង្គ-ហិរញ្ញប្បទានបន្ថែម និងការរៀបចំផែនការលម្អិតដើម្បី សម្រេចគោលដៅគម្រោង
Date: 18-Nov-2022
Click below for new updates on AMR
Date: 18-Oct-2022
នាយកដ្ឋានប្រយុទ្ធនឹងជំងឺឆ្លង សហការជាមួយនឹង អង្គការសុខភាពពិភពលោក (WHO) មជ្ឍមណ្ឌលគ្រប់គ្រង និងបង្ការជំងឺសហរដ្ឋអាមេរិក (US CDC) និង អង្គការបណ្តាញអេពីដេមីសាស្រ្ត និងបច្ចេកវិទ្យាតំបន់អាស៊ីខាងត្បូង (SAFETYNET) ប្រចាំនៅកម្ពុជា គ្រោងនឹងរៀបចំ វគ្គបណ្តុះបណ្តាល អេពីដេមីសាស្រ្តកម្រិតមធ្យម ជំនាន់ទី១ រយៈពេល ៩ខែ ចាប់ផ្តើមនៅដើមឆ្នាំ២០២៣ ដើម្បីអភិវឌ្ឍចំណេះដឹង និងជំនាញចាំបាច់ ពង្រឹងសមត្ថភាពដល់មន្ត្រីសុខាភិបាល នៃ មន្ទីរសុខាភិបាលរាជធានី ខេត្ត ស្រុកប្រតិបត្តិ និងអង្គភាពពាក់ព័ន្ធ ជាពិសេសក្រុមឆ្លើយតបបន្ទាន់ (RRT) ដែលបានបញ្ចប់ការសិក្សាវគ្គអេពីដេមីសាស្ត្រជួរមុខកន្លងមក ក្នុងគោលបំណងបង្កើនចំណេះដឹងបែបវិទ្យាសាស្ត្រ នៃការចុះអង្កេតស្រាវជ្រាវ និងឆ្លើយតប ទៅនឹងការរាតត្បាតនៃជំងឺឆ្លង និងព្រឹត្តិការណ៍សុខភាពសាធារណៈ អោយមានប្រសិទ្ធភាព។
ការទទួលពាក្យសុំចូលរៀន នឹងចាប់ផ្តើមពីថ្ងៃទី ០១ ខែវិច្ឆិកា ដល់ថ្ងៃទី ១៥ ខែធ្នូ ឆ្នាំ២០២២។
