Date: 28/Feb/2017

កាលពីថ្ងៃទី ២៤ ខែ កុម្ភៈ ឆ្នាំ ២០១៧ វេលាម៉ោង ១០ និង ៣០ នាទីព្រឹក មានការផ្ទុះជំងឺរាតត្បាតដោយពុលចំណីអាហារ បង្កឡើងដោយការបរិភោគគុយទាវឆា បណ្តាលឲ្យកូនសិស្សចំនួន ៦៥នាក់បានឈឺ (ប្រុស ៣១ និង ស្រី ៣៤នាក់ ) នៅសាលា សំបួរ សាគរ ស្រុកប្រតិបត្តិព្រៃកប្បាស ខេត្ត តាកែវ ។ អ្នកជំងឺបានបញ្ជូនមកព្យាបាលនៅមណ្ឌលសុខភាពចំនួន ៥៤នាក់ និងនៅមន្ទីរពេទ្យចំនួន ១១នាក់ ។ រហូតដល់យប់ថ្ងៃទី ២៤ កុម្ភៈ អ្នកជំងឺទាំងអស់បានធូរស្បើយអស់ ក្រោមការយកចិត្តទុកដាក់ខ្ពស់របស់គ្រូពេទ្យនៅមណ្ឌលសុខភាព និងមន្ទីរពេទ្យបង្អែក ។
តាមការអង្គេតស្រាវជ្រាវលទ្ធផលបឋមរកឃើញថា ការពុលគុយទាវឆានេះបណ្តាលមកពីគុយទាវមានជាតិគីមី និងខ្វះអនាម័យ ។ តាមរបាយការណ៏ទូទាំងប្រទេសរកឃើញថា បញ្ហាពុលចំណីអាហារនេះមាន កើនឡើងជារៀងរាល់ឆ្នាំ និង នៅមិនទាន់គិតពីបញ្ហាពុលចំណី អាហារដែលប៉ះពាល់ដល់សុខភាពយូរអង្វែង ដូចជា រលាកក្រពះ ពោះវៀន តំរងនោម ថ្លើម ជំងឺមហារីក ។ល។
ដូច្នេះសូមបងប្អូនទាំងអស់មេត្តាយកចិត្តដាក់សុខភាពដោយ
- ត្រូវទិញអាហារបរិភោគនៅកន្លែងណាដែលឃើញមានអនាម័យ
- មិនត្រូវទិញអាហារដែលសង្ស័យមានដាក់ជាតិគីមី ដើម្បីឲ្យស្រស់ស្អាត និងស្វិតល្អ
- មិនត្រូវទិញអាហារដែលតំលៃទាបខុសធម្មតា ព្រោះជាអាហារខូចគុណភាព ហួសសុពលភាព ដាក់ជាតិគីមីដើម្បីទុកឲ្យបានយូរ
ពត៌មានបន្ថែមសូមទូរស័ព្ទមកលេខ ១១៥ (ដោយមិនគិតថ្លៃ ពីគ្រប់ប្រព័ន្ធ)

poisioning Takeo03 2017.1.sm  poisioning Takeo03 2017.2.sm  poisioning Takeo03 2017.3.sm  

Date: 18/Feb/2017

Drug spotវីដេអូស្ពត់អប់រំខ្លីៗ​ សម្រាប់អ្នកញៀនគឿងញៀនមកទទួលសេវាពិនិត្យព្យាបាលដោយរដ្ឋជាអ្នកបង់ថ្លៃជំនួស៖

សូមចុចលើវីដីអូ​ ដែលជូនភ្ជាប់មកជាមួយនេះស្រាប់។

អ្នកញៀនគ្រឿងញៀនទាំងអស់​ សូមមកទទួលសេវាព្យាបាលភាពញៀនគ្រឿងញៀនដោយស្ម័គ្រចិត្តនៅតាមមូលដ្ឋានសុខាភិបាលសាធារណ:​ ដូចមានបង្ហាញក្នុងវីដេអូស្ពត់ខ្លីនេះស្រាប់​ ដោយមិនមានការម៉ាក់ងាយ និងការរើសអើងលើអ្នកញៀនគ្រឿងញៀនឡើយ។​ ក្រសួងសុខាភិបាល និង អគ្គលេខាធិការដ្ឋាននៃអាជ្ញាធរជាតិប្រយុទ្ធប្រឆាំងគ្រឿងញៀន បានសហការគ្នាដើម្បីផលិតវីដេអូស្ពត់ខ្លីនេះ ក្នុងគោលបំណង ធ្វើការផ្សព្វផ្សាយ អប់រំ ដល់ប្រជាពលរដ្ឋ ដើម្បីឱ្យបានយល់ដឹងថា៖

(១) ភាពញៀនគ្រឿងញៀនអាចព្យាបាលបាន។

(២) មានសេវាព្យាបាលភាពញៀនគ្រឿងញៀនដោយស្ម័គ្រចិត្ត នៅតាមមូលដ្ឋានសុខាភិបាលសាធារណ:​ (មន្ទីរពេទ្យ និងមណ្ឌលសុខភាព)​ ដែលមានស្លាកសញ្ញាសម្គាល់ដូចបានបង្ហាញក្នុងវីដេអូស្ពត់ខ្លីនេះស្រាប់​ (​ពណ៌បៃតង និងក្រហម)។

(៣) អ្នកញៀនគ្រឿងញៀន ដែលស្ម័គ្រចិត្តមកទទួលយកសេវាពិនិត្យព្យាបាល នឹងទទួលបានការលើកលែងទោស យោងតាម មាត្រា ១០៥ នៃច្បាប់ស្តីពីការត្រួតពិនិត្យគ្រឿងញៀន ។

(៤) មូលដ្ឋានសុខាភិបាលសាធារណ:​ (មន្ទីរពេទ្យ និងមណ្ឌលសុខភាព) ផ្តល់ការព្យាលភាពញៀនគ្រឿងញៀនជូនគ្រប់អ្នកញៀនគ្រឿងញៀនដោយរដ្ឋជាអ្នកចេញថ្លៃជួស។

វីដេអូស្ពត់ខ្លីនេះ ផលិតដោយការជួយឧបត្ថម្ភ បច្ចេកទេស និងថវិកា របស់អង្គការខាណា។

ព័ត៌មានទទួលបានពីនាយកដ្ឋានសុខភាពផ្លូវចិត្តនិងការបំពានគ្រឿងញៀន។

Date: 16/Feb/2017

មន្ទីរសុខាភិបាលខេត្ត រតនៈគិរី បានរៀបចំសិក្ខាសាលា ស្តីពីការត្រួត ពិនិត្យជម្ងឺឆ្លង ទប់ស្កាត់ ការរាតត្បាតតាមព្រំដែន រវាងខេត្តរតនគីរី ស្ទឹងត្រែង ព្រះវិហារ ជាមួយឡាវ(ខេត្តចំប៉ាសាក់ អ័តតាពឺ) វៀតណាម(ខេត្ត កុនទូម យ៉ាឡាយ) ថ្ងៃទី16-17 ខែកុម្ភៈ ឆ្នាំ2017 ឧបត្ថម្ភដោយ ADB ។
គោលបំណងសិក្ខាសាលា
១. ពង្រឹងការអនុវត្តន៏ឧបករណ៏រួមគ្នា ក្នុងការតាមដាន អង្គេត ស្រាវជ្រាវ និងឆ្លើយតបជំងឺរាតត្បាត
២. ផ្លាស់ប្តូរពត៌មានជំងឺឆ្លង និងព្រឹត្តិការសុខភាពសាធារណៈ ដែលកើតមានតាមព្រំដែនប្របកដោយទៀងទាត់ និងទាន់ពេលវេលាដើម្បីឆ្លើយតបរួមគ្នាឲ្យមានប្រសិទ្ធិភាពខ្ពស់
៣. ផ្លាស់ប្តូរដបពិសោធន៏គ្នា ក្នុងការបង្ការនិងឆ្លើយតបជំងឺឆ្លង
៤. បង្កើតផែនការរួម ក្នុងការពង្រឹងសមត្ថភាពបន្ថែម និងសហការគ្នា បង្ការ និងឆ្លើយតបជំងឺឆ្លង និងរាតត្បាត

Cross boarder 02 2017.1.sm  Cross boarder 02 2017.2.sm  Cross boarder 02 2017.3.sm  Cross boarder 02 2017.4.sm  Cross boarder 02 2017.5.sm

Date: 10/Feb/2017

កន្លងមកថ្មីៗនេះ នាយកដ្ឋានប្រយុទ្ធនឹងជំងឺឆ្លង ទទួលបានរបាយការណ៏ពីការកើនឡើងនៃជំងឺ ពងបែកនៅលើដៃជើងនិងក្នុងមាត់ ។ ហេតុដូច្នះ យើងខ្ញុំសូមណែនាំឲ្យឪពុកម្តាយ និងអាណាព្យាបាលកុមារ ទាំងអស់មានការប្រុងប្រយ័ត្នខ្ពស់ ក្នុងការបង្ការ និងរកការព្យាបាលជាបន្ទាន់ នៅមន្ទីរពេទ្យ និងមណ្ឌលសុខភាពនៅជិតបំផុត ដើម្បីទទួលការព្យាបាល សមស្រប ជាពិសេសកុមារដែលមានរោគសញ្ញាគ្រោះថ្នាក់ត្រូវបញ្ជូនទៅ មន្ទីរពេទ្យឯកទេសកុមារជាបន្ទាន់ ។​ រោគសញ្ញាគ្រោះថ្នាក់រួមមាន ក្អូួតបន្ត ប្រកាច់ កន្ត្រាក់ដៃជើង ទន់ដៃជើង ។

ពត៌មានបន្ថែមសូមមើលខ្សែវីដេអូខ្លី និងសារអប់រំ សំនួរចំលើយដែលមានភ្ជាប់មកជាមួយនេះ ។
ពត៌មានបន្ថែមសូមទូរស័ព្ទមកលេខ ១១៥ (ដោយមិនគិតថ្លៃពីទូរស័ព្ទគ្រប់ប្រព័ន្ទ)។

HFMD 10 02 2017.sm   HFMD vdo  

Date: 09/Feb/2017

សិក្ខាសាលាស្តីពីការប្រយុទ្ធនឹងជំងឺឆ្លងតាមព្រំដែននៅតំបន់ចង្កោមខេត្តផ្នែកខាងត្បូងប្រទេសកម្ពុជា និងប្រទេសវៀតណាម ដែលប្រព្រឹត្តទៅនៅក្រុងស្វាយរៀង ពីថ្ងៃទី ៩ ដល់ ១០ កុម្ភៈ ឆ្នាំ ២០១៧ ។
ខេត្តស្វាយរៀង និងខេត្តត្បូងឃ្មុំ ភាគីកម្ពុជា
ខេត្តតៃណិញ និងឡុងអាន ភាគីវៀតណាម
គោលបំណងសិក្ខាសាលា
១. ពង្រឹងការអនុវត្តន៏ឧបករណ៏រួមគ្នា ក្នុងការតាមដាន អង្គេតស្រាវជ្រាវ និងឆ្លើយតបជំងឺរាតត្បាត
២. ផ្លាស់ប្តូរពត៌មានជំងឺឆ្លង និងព្រឹត្តិការសុខភាពសាធារណៈ ដែលកើតមានតាមព្រំដែន
៣. ផ្លាស់ប្តូរដកពិសោធន៏គ្នា ក្នុងការបង្ការនិងឆ្លើយតបជំងឺឆ្លង
៤. បង្កើតផែនការរួម ក្នុងការពង្រឹងសមត្ថភាពបន្ថែម និងសហការគ្នា បង្ការ និងឆ្លើយតបជំងឺឆ្លង និងរាតត្បាត។

Cross border workshop1.sm   Cross border workshop2.sm