Date: 28-February-2023
រហូតដល់ពេលនេះ នៅក្នុងប្រទេសយេីង មានជំងឺផ្តាសាយចំនួន២ករណី ។ ករណីទី១ ជាកុមារីអាយុ១១ឆ្នាំបានស្លាប់ និងករណីទី២ ជាឪពុកកុមារី បានជាសះស្បេីយ និងចេញពីមន្ទីរពេទ្យថ្ងៃនេះ ។
តាមលទ្ធផលអង្គេតស្រាវជ្រាវរកឃេីញថា ពួកគាត់ទាំង២នាក់ ឆ្លងមកពីសត្វបក្សីក្នុងភូមិ មិនមានការរកឃេីញឆ្លង ពីឪពុកនិងកូនទេ ។
អង្គការសុខភាពពិភពលោក (WHO) បានផ្តល់ជំនួយឱសថ Tamiflu (oseltamivir) ដល់ក្រសួខសុខាភិបាល ចំនួន ៣ពាន់ដូស
Date: 28-February-2023
នាយកដ្នានប្រយុទ្ធនិងជំងឺឆ្លង ដំណាងអោយក្រសួងសុខាភិបាល បានទទួលឱសថឈ្មោះ Tamiflu (oseltamivir) សម្រាប់ព្យាបាល និងបង្ការជំងឺផ្តាសាយបក្សី ចំនួន៣ពាន់ដូស ។ ឱសថនេះជាជំនួយពីអង្គការសុខភាពពិភពលោក (WHO) នឹងប្រេីសម្រាប់ឆ្លេីយតប ការរាតត្បាតផ្តាសាយបក្សី H5N1 នៅខេត្តព្រៃវែង និងខេត្តដទៃទៀតក្នុងព្រះរាជាណាចក្រកម្ពុជា ដែកអាចកេីតមានការរាតត្បាត ជាយថាហេតុ ។
Update: 25-February-2023
វីរុសផ្តាសាយបក្សី H5N1 ដែលជាមូលហេតុនៃការស្លាប់របស់កុមារីរស់នៅ ភូមិរលាំង ឃុំរំលេច ស្រុកសីធរកណ្តាល គឺជាវីរុសដែលសិក្សារកឃើញនៅក្នុងចំណោមបក្សីស្រុក បក្សីព្រៃក្នុងប្រទេសកម្ពុជា នៅអំឡុងពេលប៉ុន្មានឆ្នាំចុងក្រោយនេៈ ។ អំបូរវីរុសផ្តាសាយបក្សី H5N1 (clade 2.3.2.1c) នេៈ ខុសពីអំបូរវីរុសផ្តាសាយបក្សី H5N1នៅតាមបណ្តាប្រទេស នៅតំបន់ផ្សេងទៀត លើពិភពលោក ។ ការតាមដានអង្កេតស្រាវជ្រាវ ករណីជំងឺនេៈនៅបន្តធ្វើទៀត ចំណែកឯក្រុមប្រជាជន ដែលមានទំនាក់ទំនងជាមួយអ្នកជំងឺ ត្រូវបន្តតាមដានសង្កេត។ គិតត្រឹមថ្ងៃនេៈ មិនទាន់បានបង្ហាញឲ្យឃើញច្បាស់ អំពីការចម្លងវីរុសផ្តាសាយបក្សី H5N1 ពីមនុស្សម្នាក់ទៅមនុស្សម្នាក់ទៀតនៅឡើយទេ ។ សូមឲ្យប្រជាពលរដ្ឋទាំងអស់ មេត្តាជៀសវាងការប៉ៈពាល់ផ្ទាល់ ជាមួយបក្សីឈឺឬស្លាប់ ។ សូមចូលរួមការពារនិងទប់ស្កាត់ទាំងអស់គ្នា ដើម្បីសុខភាពរបស់យើងទាំងអស់គ្នា ។
ព័ត៌មានបន្ថែមសូមទាក់ទងលេខទូរស័ព្ទ ១១៥
Date: 24-February-2023
ព័ត៌មានបន្ថែមសូមទាក់ទងលេខទូរស័ព្ទ ១១៥