Date: 29-December-2024

ប្រទេសចិនបាននិងកំពុងប្រយុទ្ធប្រឆាំង នឹងការផ្ទុះឡើងនៃមេរោគ human metapneumovirus (HMPV) ដែលមានរោគសញ្ញា ស្រដៀងទៅនឹងជំងឺផ្តាសាយធំ និង COVID-19​ ។
វេជ្ជបណ្ឌិត Chen Chih-jung នៃមន្ទីរពេទ្យ Linkou Chang Gung Memorial Hospital បាននិយាយនៅក្នុងបទសម្ភាសន៍មួយ កាលពីថ្ងៃព្រហស្បតិ៍ថា hMPV គឺស្រដៀងទៅនឹងមេរោគផ្លូវដង្ហើម RSV (ជាមេរោគបង្កជំងឺផ្លូវដង្ហេីមដែរ) ដែលភាគច្រើនឆ្លងដល់កុមារអាយុក្រោម 2 ឆ្នាំ ខណៈដែល hMPV មាននិន្នាការឆ្លងកុមារធំ។ លោកបានពន្យល់ថា កុមារខ្លះដែលឆ្លងមេរោគ អាចតម្រូវឱ្យចូលមន្ទីរពេទ្យ ប៉ុន្តែជំងឺនេះមិនសូវធ្ងន់ធ្ងរ ដូចជំងឺគ្រុនផ្តាសាយធំទេ ហេីយកុមារភាគច្រើនបានជាសះស្បើយឡើងវិញ។ ប្រទេសយេីងក៏ធ្លាប់រកឃេីញមេរោគនេះដែរលេីកុមារ។
#សូមបញ្ជាក់ថា​ ក្នុងរដូវរងារនេះ​ អ្នកមានរោគផ្តាសាយ​ និងរលាកផ្លូវដង្ហេីម​ គឺភាគច្រេីនបង្កឡេីងដោយមេរោគផ្តាសាយធំ​ Influenza​ ។
ដេីម្បីបង្ការចម្លងមេរោគផ្តាសាយ​ និងមេរោគផ្លូវដង្ហេីមផ្សេងៗ​ សូមពាក់ម៉ាស់​ រក្សាគម្លាត​ ឧស្សាហ៏លាងដៃ​ញឹកញប់​ ចៀសវាង​កន្លែង​មាន​មនុស្ស​ច្រើន ដើម្បី​កាត់បន្ថយ​ការ​ឆ្លង​រាលដាល​ ។
 
ព័ត៌មាន​បន្ថែម​សូម​ទាក់ទង​លេខ​ទូរស័ព្ទ​ ១១៥
 
hMPV virus 1224

Date: 28-December-2024

ក្រសួងសុខាភិបាល នឹងដាក់ឱ្យប្រើប្រាស់ថ្នាំបង្ការ មុនពេលប្រឈមនឹងការឆ្លងមេរោគអេដស៍ (Pre-Exposure Prophylaxis = ថ្នាំព្រឹព) ជាប្រភេទថ្នាំចាក់ឈ្មោះ Cabotegravir ដែលត្រូវចាក់រៀង​រាល់ ២ខែម្តង សម្រាប់បង្ការការឆ្លងមេរោគអេដស៍ មុនពេលប្រឈម ជូនក្រុមប្រជាជនគន្លឹះ ដែលមានប្រឈមខ្ពស់នឹងការឆ្លងមេរោគអេដស៍ រួមមានៈ​ ក្រុមស្រ្តីបម្រើសេវាកំសាន្ត ក្រុមបុរសរួមភេទជាមួយបុរស ក្រុមអ្នកប្លែងភេទ ក្រុមអ្នកប្រើប្រាស់គ្រឿងញៀនដោយចាក់ ។ ល។ ថ្នាំនេះមានប្រសិទ្ធភាពក្នុងការបង្ការ ការចម្លងមេរោគអេដស៍បាន ក្នុងកម្រិតចន្លោះពី ៩២ ទៅ ៩៥%។
*សូមបញ្ជាក់ថា មកដល់ពេលនេះ ពិភពលោកយេីង មិនទាន់រកឃើញវ៉ាក់សាំង សម្រាប់បង្ការមេរោគអេដស៍នៅឡើយទេ។
 
HIV PREP vaccine 1224

មានការផ្ទុះជំងឺគ្រុនក្តៅ​ជាក្រុមធំ មីនដឹងមូលហេតុកេីតក្នុងតំបន់ Panzi ដែលជាតំបន់មួយនៅក្នុងខេត្ត Kwango ភាគនិរតីនៃសាធារណរដ្ឋប្រជាធិបតេយ្យកុងហ្គោ​ ក្នុងទ្វីបអាហ្រ្វិក​ ដែលផ្ទុះចាប់ពីចុងខែតុលា​ ដល់បច្ចុប្បន្ននេះ​។ ក្រោយអង្គេតស្រាវជ្រាវ​ គេបានរកឃេីញថា​ បណ្តាលមកពីជំងឺគ្រុនចាញ់​ និងកុមារខ្វះអាហារូបត្ថម្ភ​ ដែលបណ្តាលអោយឆ្លងជំងឺធ្ងន់ធ្ងរ​ ។

ពត៌មានបន្ថែមសូមទាក់ទងលេខ​ 115

fever Panzi at Kwango 1224