នៅយប់ថ្ងៃទី ២៥ ខែសីហា ឆ្នាំ ២០១៦ វេលាម៉ោង ៨យប់ ក្រុមការងាររបស់នាយកដ្ឋានប្រយុទ្ធនឹងជំងឺឆ្លង ក្រសួងសុខាភិបាល បានធ្វើការពិនិត្យសុខភាពដល់គណ:ប្រតិភូ និងក្រុមអត្តពលិកដែលទើបត្រលប់មកពី ទីក្រុងរីយ៉ូ ប្រទេសប្រេសីុល និងបានណែនាំអំពីការតាមដានសុខភាពនិងបង្ការការចំលងបន្តទៅអ្នកដទៃ ព្រមទាំងប្រាប់លេខទូរស័ព្ទទំនាក់ទំនងក្នុងករណីសង្ស័យចេញ រោគសញ្ញាជំងឺ ZIKA ។
នេះជាប្រភេទព្រូនក្នុងខ្លួនមនុស្សឈ្មោះ Anisakis វាច្រើនរស់ នៅតាមបំពង់អាហារ ក្រពះ និងក្នុងពោះវៀន ។ រោគសញ្ញារួមមាន: ក្តៅខ្លួនឧណ្ហៗ ក្អួត ចង្អោរ ឈឺពោះ ឈឺទ្រូង ឈឺចុងដង្ហើម ឡើងរមាស់លើស្បែកដូចជា ប្រទាលត្រអាក ។ អ្នកអាចចំលង ព្រូននេះដោយហូបអាហារត្រី ឫមឹកឆៅ ឫចម្អិនមិនឆ្អិនល្អ ។
នេះជារូបភាពវីដេអូខ្លីបង្ហាញពីការចាប់យកព្រូន Anisakis នៅក្នុងបំពង់កស្ត្រីអ្នកជំងឺម្នាក់ដោយប្រើឧបករណ៏ Endoscopy.
ពត៌មានបន្ថែមទូរស័ព្ទ: 115។ សូមទស្សនាវីដេអូខាងក្រោម៖
យោងតាមរបាយការណ៍ប្រចាំសប្តាណ៍CamEWARN បង្ហាញថាមានការកើនឡើងនៃជម្ងឺគ្រុនលឿង ស្រួចស្រាវចាប់ពីសប្តាណ៍ទី៣០ ក្នុងឆ្នាំ២០១៦។ ករណីទាំងអស់មានការរាយប៉ាយមកពីខេត្តចំនួន១៣ ហើយភាគច្រើននៃករណីមកពីខេត្តសៀមរាប និងខេត្តកំពង់ធំ និងបានបញ្ជាក់ថាឆ្លងមេរោគរលាកថ្លើមប្រភេទA។
នៅចុងឆ្នាំ 2015 នាយកដ្ឋានប្រយុទ្ធនឹងជំងឺឆ្លង សហការជាមួយនឹងក្រសួងពាក់ព័ន្ធ (សុខាភិបាល, កសិកម្ម រុក្ខាប្រមាញ់និងនេសាទ, ឧស្សាហកម្ម សិប្បកម្ម, ទេសចរណ៍, ពាណិជ្ជកម្ម, សេដ្ឋកិច្ច ហិរញ្ញវត្ថុ) រួមគ្នាបង្កើត នីតិវិធីប្រតិបត្តិស្តង់ដាអន្តរក្រសួង សំរាប់ការអង្កេតនិងឆ្លើយតបការផ្ទុះរាតត្បាតជំងឺដែល បណ្តាលមកពីការពុលចំណីអាហារ (SOP for foodborne disease intersectoral outbreak investigation and response)។
បើកវគ្គបណ្តុះបណ្តាលស្តីពី និតិវិធីប្រតិបត្តិស្តង់ដារអន្តរក្រសួង សំរាប់អនុវត្តការអង្កេត តាមដាននិងឆ្លើយតបចំពោះការផ្ទុះជំងឺ បណ្តាលមកពីពុលចំណីអាហារ នៅខេត្តបាត់ដំបង។
